உங்கள் நிர்வாகத்தை அடுத்த தலைமுறைக்கு எடுத்து செல்கின்றீர்களா ?
இந்த பத்து விஷயங்கள் உங்களுக்கு நிச்சயமாக பயன்படும்.
இன்றைய தொழில்வளர்ச்சியின் முக்கியமான பிரச்சனைகள் இரண்டு
1. நிர்வாகத்தை ஏற்கும் புதிய தலைமுறையினர்
2. புதிதாக தொழிலை ஆரம்பிக்கும் இளைஞர்கள்
முதலாவது வகையினருக்கு, ஏற்கனவே அவர்களுக்கான தொழிலை அவர்களது குடும்பத்தினர் உருவாக்கி வைத்திருப்பார்கள். அதை அப்படியே அவர்களது அடுத்த தலைமுறைக்கு மாற்றம் செய்து கொடுத்து விடுவார்கள்.
அட இதுல என்ன கஷ்டம், நமக்கெல்லாம் அந்த வாய்ப்பு கிடைக்கவில்லையே என்று நீங்கள் நினைப்பது எங்களுக்கு புரிகிறது.
இங்கதான் பெரிய விஷயமே இருக்கிறது.
முதலில் இங்கு புரிந்து கொள்ள வேண்டிய விஷயம் நிர்வாகத்தில், ஒரு தலைமுறை மாற்றம் ஏற்படபோகிறது என்பதுதான். அனைத்து இடங்களிலும் அல்ல, அது நிர்வாகத்தில் மட்டும்.
எடுத்துக்காட்டாக இத்தனை நாள் நீங்கள் ஒட்டிய கார் வாகனத்தை இன்றைய இளைஞர்கள் கையில் கொடுத்தால் என்ன ஆகும்! அவர்களுடைய வேகத்திற்கு அந்த வாகனத்தை பயன்படுத்த நினைப்பார்கள்,ஆனால் வாகனம் பழைய காலத்தினுடையது என்பதால் அவர்களது வேகத்திற்கு இயங்குவது சற்று கடினமாக இருக்கும். மேலும் இப்போது இருக்கும் நவீன வசதிகளை அதில் புகுத்த நினைப்பார்கள். அழகாக இருக்க வேண்டும் என்பார்கள்,அதைவிட அவர்களது நண்பர்கள் உடைய வாகனத்தின் வசதிகள் இதில் இல்லை என்றும் நினைப்பார்கள்.
படிப்படியாக தற்போதைய நவீன காலத்திற்கு ஏற்றவாறு முழுவதுமாக அந்த வாகனத்தை மாற்றுவார்கள். அல்லது வேறு வாகனத்தை தேர்வு செய்ய முயல்வார்கள்.
இப்போது இந்த புதிய மாற்றத்தில் அந்த புதிய தலைமுறைக்கு என்னென்ன சவால்கள் இருக்கும் என்பதை பார்க்கலாம்.
1. முதலில் அவர்கள் அந்த நிறுவனத்தை மனதார ஏற்றுக்கொள்ள வேண்டும்.
2. அந்த நிறுவனத்தில் இருக்கும் அனைத்தையும் ( System) அங்கு உள்ளபடி புரிந்துகொள்ள வேண்டும்.
3. அதன் பிறகு அங்கு இருக்கக்கூடியவர்களுக்கு ஏற்றவாறு தன்னுடைய வேகத்தை அமைத்துக்கொள்ள வேண்டும். அதற்கான பொறுமையும் வேண்டும்.
4. இது எல்லாவற்றையும் விட அங்கு பணிபுரியும் அனைவரும் புதிய மாற்றத்தை ஏற்றுக்கொள்ள வேண்டும். அல்லது ஏற்றுக்கொள்ள வைக்க வேண்டும்.
இது முதல் கட்ட வேலைதான், இரண்டாம் கட்டமாக...
5. இன்றை சூழலுக்கு ஏற்றவாறு உற்பத்தி முறைகளை கண்டறிய வேண்டும்.
6. அந்த உற்பத்தி முறைகளை சரியான முறையில் பயிற்சி அளிக்க வேண்டும்.
7. பயிற்சி பெற்றதை அனைவரையும் பின்பற்றுமாறு செய்ய வேண்டும்.
8. இந்த இடத்தில் இருக்கும் மிக சவாலான பிரச்சனை நிறுவனத்தின் பணியாளர்களை நவீன மாற்றத்தை ஏற்றுக்கொள்ளவைப்பது தான்.
9. இது வரை நிர்வாகத்தில் பணியாளர்களுக்கு கிடைத்த அங்கீகாரத்தை குறையாமல் பார்த்துக்கொள்ள வேண்டும்.
10. அனைவருக்கும் நிறுவனத்தின்அடுத்த இலக்கினை தெளிவுபடுத்தி அதனை நோக்கி முன்னேற்ற பாதையில் செல்ல உற்சாகப்படுத்த வேண்டும்.
இருக்குற பிரச்சனைகளை பார்க்கவே நேரம் போதவில்லை இதுல இதெல்லாம் யார் செய்றது ?
உங்களுடைய இந்த கேள்வி நியாயமானது. ஆனால் இதனை ஏற்படுத்த வேண்டியது ஒரு சிறந்த நிர்வாகத்தின் கடமையும் கூட...
இதற்கான முழுமையான பயிற்சிகளையும் ஆலோசனைகளையும் நம்முடைய Elite Management Consulting மூலம் நீங்கள் பெற முடியும்..
உங்களுக்கு உதவ நாங்கள் தயாராக இருக்கிறோம்.
உங்களுக்கு ஏதேனும் சந்தேகங்களோ அல்லது தீர்க்க வேண்டிய நிர்வாக பிரச்சனைகளோ இருந்தால் அதில் முக்கியமான ஒன்றை மட்டும் கீழே comment- ல் பதிவு செய்யுங்கள். உங்களுக்கான ஆலோசனைகளை நாங்கள் வழங்குகிறோம்.
இரண்டாவது நிலையான புதிதாக தொழில் தொடங்கும் இளைஞர்களுக்கான தகவல்கள் பற்றி அடுத்த பதிவில் பார்க்கலாம்.
